Johannes Gjerdåker døydde 27. april, 84 år gamal. Gjerdåker var formann i Voss mållag ved to høve, 1978–79 og 1991–93, og sat òg fleire år i styret. Han var ein sikker og stø nynorskbrukar heile livet. Han var ikkje den som oftast tok ordet i offentlege ordskifte, men dei gongene han gjorde det, var han svært engasjert. 

Gjennom dei mange bøkene og artiklane sine viste Gjerdåker at nynorsk kunne brukast til alt. Han skreiv sakprosa, han skreiv eigne dikt, og han omsette dikt frå ei rekkje språk. Han hadde ei sterk språkkjensle og eit rikt ordtilfang, og omsetjingane hans var ikkje ferdige før han hadde funne det rette ordet.

Han var godt kjend med norsk målsoge, og han gjorde òg sitt til å gjera målsoga kjend for fleire. På sitt eige forlag, Vestanbok forlag, gav han ut tre bøker med tekstar av Ivar Aasen. 

Johannes Gjerdåker vart utnemnd til heidersmedlem i Voss mållag i februar i år. Me er glade for at han fekk den heideren, og me er takksame for alt han har gjort for det nynorske språket. Me lyser fred over minnet hans.

For styret i Voss mållag
Eirik Helleve

Me minner om årsmøtet i Voss mållag tysdag 10. mars kl. 19.00 på Voss gymnas.

Vanlege årsmøtesaker. I tillegg vil Snialvur Joanesarson fortelja om språksituasjonen på Færøyane.

Velkomen!

Styret i Voss mållag gjorde nyleg vedtak om å utnemna Johannes Gjerdåker til heidersmedlem i Voss mållag, for mangeårig og framifrå innsats for nynorsken. 

Johannes Gjerdåker (f. 1936) har vore leiar for Voss mållag ved to høve, 1978-79 og 1991-93, og sat òg fleire år i styret. Han har vore ein sikker nynorskbrukar heile livet. Han har skrive mykje lokalhistorie, han har hatt ei fast spalte i Hordaland, han har skrive eigne dikt og omsett dikt frå engelsk, tysk, latin, islandsk og persisk. I alt dette har han vist seg som stø skribent, med stor språkkjensle og rikt ordtilfang.

Gjerdåker har tidlegare vorte heidra av andre. I 1992 fekk han kulturprisen til Voss kommune, og for omsetjingane sine fekk han i 1997 Bastianprisen, i 1999 Melsomprisen og i 2006 Kritikarprisen. 

Eirik Helleve
leiar Voss mållag

_{(Bilete: Johannes Gjerdåker og Eirik Helleve, 19/2-2020. Fotograf: Arnfinn Gjerdåker)}

 

GAMLEKINOEN

Fredag 31.janaur kl 19.30 og
Laurdag 1. februar kl. 17.00

Billettar (kr 300) er å få kjøpt på www.vosskulturhus.no og i Voss Bokhandel.

Jakob Sande henta det meste av stoffet frå sjømannslivet og livet i vestlandsbygdene. Dikta han skreiv vekslar mellom burlesk og til tider grotesk humor (til dømes i «Kallen og katten» og «Likfunn») til sterkt kjensleladde dikt som «Fløytelåt» og «Vesle Daniel». Jakob Sande har òg skrive seg inn i salmebøker med «Det lyser i stille grender», «Salme» og «Åndeleg sjømannssong».