Då Noregs Mållag vart skipa 5. februar 1906, fanst det alt 67 lokale mållag og 9 fylkesmållag. Eitt av dei var Voss Mållag, som var skipa omtrent på dagen åtte år tidlegare – 4. februar 1898. Då fanst det alt eit anna mållag på Voss - Gullfjordungen Mållag var skipa seks dagar tidlegare. Skipingsmøtet til Voss mållag vart halde i Voss Ungdomshall, og folkehøgskulestyrar Lars Eskeland vart den fyrste formannen i laget. I referatet frå skipingsmøtet står det mellom anna at "Skrivne lover ville ingen ha. Den uskrivne grunnlov maatte vera, at lage til kvar tid gjorde det som det best kunde til framhjelp for norskt maal".

Formenn/leiarar i Voss Mållag gjennom tidene

Lars Eskeland (1936)
Olav Holdhus (1939)
Anders Ullestad (1939)
Magnus Dagestad
Lars Osa
Per Berge
Gunnhild Sekse
Johannes Gjerdåker (2020)

Lista er truleg ikkje komplett.

Det har kome ut fleire bøker og skrifter om språkbruk og målarbeid på Voss. Lista under viser nokre av desse - veit du om bøker eller artiklar me burde teke med, høyrer me gjerne frå deg. Dei fleste av bøkene er greie å få tak i i dag, anten direkte frå Voss bygdeboknemnd, eller gjennom Voss folkemuseum.